गोकुळच्या निवडणुकीत एकनिष्ठता सिद्ध करण्यासाठी बंटी पाटलांशी तलवारीने युद्ध करू काय? मंत्री हसन मुश्रीफ
गोकुळ निवडणुकीत महायुतीसोबतच; “तलवार-ढाल घेऊन लढाई करू काय?” – हसन मुश्रीफ
कोल्हापूर, प्रतिनिधी : गोकुळ दूध संघाच्या आगामी निवडणुकीच्या पार्श्वभूमीवर राज्याचे वैद्यकीय शिक्षण मंत्री आणि कोल्हापूर जिल्ह्याचे पालकमंत्री यांनी आपली भूमिका स्पष्ट करत आपण महायुतीसोबतच असल्याचे ठामपणे सांगितले. कोल्हापुरात पत्रकारांशी संवाद साधताना त्यांनी विरोधकांच्या टीकेला प्रत्युत्तर देताना “मी महायुतीसोबतच आहे. मग आता काँग्रेसचे सतीश उर्फ बंटी पाटील यांच्याशी तलवार आणि ढाल घेऊन लढाई करू काय, मग तुम्हाला विश्वास बसेल का?” असा सवाल उपस्थित केला.
गोकुळ दूध संघाच्या निवडणुकीच्या पार्श्वभूमीवर राजकीय वातावरण तापले असताना हसन मुश्रीफ यांच्या वक्तव्याची जिल्ह्यात जोरदार चर्चा सुरू झाली आहे. महायुतीतील काही घटक पक्ष आणि स्थानिक राजकारणातील समीकरणांमुळे विविध तर्कवितर्कांना उधाण आले होते. यावर बोलताना मुश्रीफ यांनी आपण नेहमीच महायुतीच्या भूमिकेशी बांधील असल्याचे स्पष्ट केले.
ते म्हणाले, “मी नेहमी महायुतीसोबतच राहिलो आहे. जिल्हा परिषद, पंचायत समिती, महानगरपालिका अशा सर्व निवडणुका मी भाजप आणि महायुतीसोबतच लढलो आहे. त्यामुळे माझ्या भूमिकेबाबत शंका घेण्याचे कारण नाही.”
यावेळी त्यांनी काँग्रेस नेते सतीश उर्फ बंटी पाटील यांचा उल्लेख करत विरोधकांकडून निर्माण करण्यात येणाऱ्या संभ्रमावर टीका केली. “मी महायुतीतच आहे हे सांगण्यासाठी आता तलवार आणि ढाल घेऊन रस्त्यावर उतरावे लागेल का?” असा उपरोधिक सवाल त्यांनी उपस्थित केला.
गोकुळ दूध संघाच्या निवडणुकीत विविध राजकीय पक्ष आणि नेत्यांमध्ये हालचाली वाढल्या असून आगामी काळात राजकीय समीकरणे आणखी स्पष्ट होण्याची शक्यता आहे. मात्र हसन मुश्रीफ यांच्या या स्पष्ट भूमिकेमुळे गोकुळ निवडणुकीतील महायुतीच्या रणनीतीबाबतचे अनेक प्रश्न काही प्रमाणात मिटल्याचे मानले जात आहे. मंत्री हसन मुश्रीम यांनी महाराष्ट्र भाजपचे ज्येष्ठ नेते आणि कोल्हापूर भाजपचे सर्वेसर्वा चंद्रकांत दादा पाटील यांनी गोकुळच्या निवडणुकीमध्ये ज्यांचे सभासद जास्त असतील त्याप्रमाणेच उमेदवारी दिल्या जातील या निर्णयाचे त्यांनी जोरदार स्वागत केले.
महत्त्वाचे मुद्दे
- गोकुळ निवडणुकीत आपण महायुतीसोबतच असल्याचे हसन मुश्रीफ यांचे स्पष्ट वक्तव्य.
“मी नेहमी महायुतीसोबतच राहिलो आहे,” असा दावा.
जिल्हा परिषद, पंचायत समिती आणि महानगरपालिका निवडणुका महायुतीसोबत लढल्याची आठवण.
“तलवार आणि ढाल घेऊन लढाई करू काय?” असा उपरोधिक सवाल. मी एकदा निर्णय घेतला की कधीही मागे फिरत नाही असे मंत्री हसन मुस्लिम यांनी सांगितलेले आहे.
गोकुळ निवडणुकीच्या पार्श्वभूमीवर कोल्हापूरच्या राजकारणात चर्चांना उधाण.
– महाराष्ट्र न्यूज नेटवर्क
